Les mots surlignés font l'objet d'une note
1Monseingneur, puis quil vous a pleu suyvant la vollanté
2de la majesté du roy nous commander dresser
3estappe pour le passage de mille hommes qui sen viennent
4an Piemond pour le service de sadite majesté et que
5le bruyt est quil sammenoit aussi quatre compaingnies
6dhommes darmes, ce que nous sommes prestz de
7nan pouvoyr fère nostre debvoyr de leur préparer
8vivres necessaires suyvant vostredit commandement ; et
9daultant que les aydes anciennemant accostumées
10à contribuer en ceste vallée ez estappe de Valcluxon
11ont difficultierses à fornir suyvant leur rolle
12et que mesmes au lieu de fornir font leurs
13praticques de les fère subfornir sur nous
14bras, comme na guieres les sept compaingnies
15coronelles et aultres qui ont fect ung si long
16sebjour, comme vostre seingneurie scaist, à nostre
17grande folle et despance va nostre grande ruyne,
18par sorte que si telz subjours ou subjour ce
19font, ne pourons subsiter, que ne scera sertement
20nostre daulmaige, mès aussi des gens de guere
21passanz et reppasans en ladite valée, comme lieu de
22passage ordinère pour le service de sadite magesté,
23quest la cause monseingneur que nous
24[v°] supplions affectueusemant vostre seingneurie avoyr
25ceste vallée en recommandation ; et comme nous
26tenons vostre dite seingneurie pour nostre père et
27lavons congneu toiour par espérance, sans
28toutesfoys que nous avons recogneu le
29bien que elle nous rescer et ne pourons
30accuzer que nostre ingratitude ; et
31neanmoings recourons à vostre seingneurie comme
32fect lenfant à son père, et vous supplions
33tresumblement avoyr mémoyre de nous
34et que ne soyons surchargés et que
35soyons traités comme ceulx qui, de tout leur
36pouvoyr sont et soy offrons estre bons obeyssans
37a sadite majesté et à vostre seingneurie, qui
38sera pour finir la présente
39Monseingneur que nous prierons Dieu vous maingtenir
40en bonne sancté, bonne, heureuse et longue
41vie et vous orner de plus en plus
42en ses dons et graces. De Valcluxon, ce XXIXe
43juing 1572
44Vous tres humbles et hobeyssans
45serviteurs, les consses de Valcluxon
46et de leur commendement
47[paraphes]